Ruçi: Politika duhet të qëndrojë larg procesit të reformës në drejtësi

Kreu i grupit parlamentar të Partisë Socialiste, Gramoz Ruçi i qëndron idesë që reforma në drejtësi duhet të bëhet vetëm nga ekspertët.

Zërave të opozitës se duhet një tryezë politike për këtë reformë, socialisti Ruçi mendon se politika duhet të qëndrojë larg këtij procesi. “Çdo trazim në këtë moment i politikës, do të politizonte, komprometonte procesin,” deklaroi Ruçi për “Shqip”.

Megjithatë, Ruçi thotë se mund të ketë një ndërhyrje të politikës në fund të procesit.

“Në fund të gjithë kësaj faze, që do të ecë sipas rekomandimeve të Komisionit të Venecias, të ndërhyjë politika vetëm në rast se do ketë diçka që do të kërkojë diskutim mes palëve”, tha Ruçi.