Historia më e famshme e dashurisë në letërsi e William Shakespeare rikthehet në Gran Teatre del Liceu, Spanjë, pas një mungese 32-vjeçare.
Ky prodhim feston 200 vjetorin e lindjes së kompozitorit romantik francez.
Rolet e dy protagonistëve kryesorë të tragjedisë, vijnë nën interpretimin e mrekullueshëm të tenorit shqiptar, Saimir Pirgu dhe Aida Garifullina, si dhe nën drejtimin e Josep Pons.
Tenori ka publikuar në rrjetin social Facebook një pjesë nga shfaqja, e cila është pritur mjaft mirë nga publiku.
Ka zgjatur për disa minuta me radhë duartrokitja e publikut në Barcelonë, pas interpretimit të “Romeo dhe Zhulietës”, në Teatro del Liceu në 17 shkurt.
“Të gjitha vajzat e reja duan të jenë Juliette sepse e kuptojnë imazhin e këtij personazhi. Ajo është e butë dhe shumë e brishtë. Juliette me të vërtetë dëshiron të jetojë këtë jetë, të jetë e lirë dhe të bëjë atë që dëshiron”- shprehet për mediat Garifullina.
Ndërsa tenori shqiptar, Saimir Pirgu gjatë intervistës së tij thekson: “Pjesa është e bukur. Ka diçka naive në të. Është shumë e bukur të dëgjosh”.
Shfaqja do të vijojë në Gran Teatre del Liceu në Barcelonë edhe në ditët në vijim.
a.s/dita