Sali Berisha, një gjysh shumë Hi-Tech!

Në një nga ditët e ditëlindjes të Sali Berishës, mbesa e tij Dasara i dedikon një urim përmes Facebook-ut të saj, të shoqëruar me një foto ku të dy duken teksa ecin dorë për dore. E ndër të tjera, ajo rrëfen se ka qenë pikërisht gjyshi i saj që i ka mësuar të përdorë iCloud-in, kur ai sapo kishte dalë. Në urimin e saj,

Dasara përmend se gjyshi i saj ka këmbëngulur vazhdimisht për shkollimin e saj, si një gjysh ambicioz që kërkon prej të mbesës që të mësojë të shkruajë që në moshën 4 – vjeçare e të mësojë gjuhë të huaja që në klasën e tretë.

Sali Berisha njihet për njohuritë e tij nga shumë fusha, përfshirë ato të brezit të ri, siç është teknologjia, siç e vërtetoi edhe tek “Zonë e Lirë” përpara zgjedhjeve të 2013-ës, ku tregoi se kishte një iPad në të cilin kishte të shkarkuara me mijëra këngë. Dasarën e njohim jo vetëm si mbesën e Sali Berishës, ish-kryeministrit të Shqipërisë, por edhe si autoren e librit “Guidë për lëndën e letërsisë”, një libër që do t’u vinte në ndihmë maturantëve për provimin në lëndën e letërsisë.