Skënderbeu ka marrë fitoren e pestë në po kaq javë kampionat në Kategorinë Superiore këtë të shtunë, duke mposhtur Vllazninë me rezultatin e pastër 3-0, ku njeriu i ndeshjes ishte shkodrani Hamdi Salihi.
Sipas kalendarit, ky takim duhej të luhej në “Loro Boriçi”, por për shkak se në këtë stadium do të luajë Kosova e më pas Shqipëria ndaj Spanjës,drejtuesit e ekipeve ranë dakord të ndryshohej kalendari.
Skënderbeu e gjeti golin që në minutën e 8 të ndeshjes, kur James ktheu në gol një 11-metërsh, ndërsa i përhershmi Salihi dyfishoi shifrat në minutën e 37.
Në pjesën e dytë, korçarët u munduan më shumë të menaxhonin rezultatin e arritur në pjesën e parë, ndërsa Vallaznia nuk kishte forca për të ndëshkuar kampionët e vendit.
Tetë minuta para fundit, sërish Hamdi Salihi shënon edhe golin e tretë të ndeshjes dhe të dytin personal, duke vulosur rezultatin.
Pas 5 javëve të para, Skënderbeu udhëheq i vetëm me 15 pikë, me një diferencë prej 6 pikësh nga Kukësi i vendit të dytë.
Nuk u gjet ndonje stadium tjeter por u desh serish qe Skenderbeu per kete ndeshje, te mos levizte nga shtepia e tij? Me duket nje vendim i cuditshem, pavaresisht dakordesise mes dy ekipeve………..
Vllaznia sa te jete ne duar te pista i shenon kush te doje .
Sikur te ishte uefa si fshf , Skenderbeu te na gezonte me titull kampion evrope mor aman .
Salihi nuk ka faj , parja e huaj e shkreta ,
turp per Vllaznin , loje per te shpallur perseri nje skuader koti kampion .