Zëvendës kryeministri dhe njëherazi ministri i brendshëm i Italisë, Matteo Salvini ka deklaruar të mërkurën se kishte arritur një marrëveshje me Gjermaninë, Francën, Portugalinë, Luksemburgun dhe Irlandën në lidhje me 116 emigrantët që u shpëtuan në det javën e kaluar.
Anijae emigrantëve u lejua të qëndronte në ujërat italianë por nuk u lejua të ankorohej në port, ndonëse ekipe mjekësore u dërguan në bord.
Fillimisht u lejuan vetëm fëmijët të zbrisnin, ndërsa Salvini kishte refuzuar të lejonte të tjerët të dilnin nga anija, derisa të arrinte një marrëveshje me vendet e tjera europiane.
Ajo që Salvini sugjeron dhe do të arrijë është të bëhet rishpërndarja e emigrantëve që arrijnë në Itali edhe në vendet e tjera europiane, pasi, sipas tij, Italia po mban pothuajse të gjithë peshën.
Edhe qeveritë e BE-së kanë kërkuar një mekanizëm zyrtar për shpërndarjen e emigrantëve, por implementimi i këtij plani, deri më tani, nuk ka rezultuar i suksesshëm.
e.ll./dita
Shperndarja me e mire e emigranteve eshte……kthimi andej nga kane ardhur.
Mafiozet qe merren me kete tregeti njerezish jane bere super milionere.
Te shkaterrohet kjo mafie qe ne origjinen nga organizojne grupe emigrantesh kundrejt pagesave.