“Sandër Lleshi, kukull”, PD: Ja pse Rama nuk i çon emër tjetër Presidentit

Mosdekretimi i Sandër Lleshit nga Presidenti Meta ne shkelje flagrante te Kushtetutes ka sjell një ngërç politik, por duket dhe tensionim mes institucioneve.

Partia Demokratike, duke mbeshtetur shkeljen e Kushtetutes nga Meta nenvizon se mos vënia në dispozicion të Metës te një emeri të ri për postin e Minsitrit të Brendshëm nga Rama eshte një lëvizje, për të mbrojtur sipas saj, “Olsi Ramën, Vangjush Dakon, Taulant Ballën, Damian Gjiknurin, Arben Ahmetaj dhe këdo tjetër anëtar të bandës së tij në pushtet”.

Deklarata e Partisë Demokratike

Këmbëngulja e Edi Ramës për emërimin e Sandër Lleshit në drejtimin e Ministrisë së Brendshme, konfirmon qëndrimin e opozitës se Rama e ka jetike kontrollin e plotë të Ministrisë së Brendshme.

Duke qenë vetë de facto Ministër i Brendshëm, Edi Rama ka më shumë mjete për të mbrojtur Olsi Ramën, Vangjush Dakon, Taulant Ballën, Damian Gjiknurin, Arben Ahmetaj dhe këdo tjetër anëtar të bandës së tij në pushtet.

Emërimi i figurës më të papërshtatshme për të drejtuar Ministrinë e Brendshme provon që Edi Ramës nuk i intereson lufta kundër krimit të organizuar, por mbrojtja e tij me çdo çmim.

Është fakt që deri më sot asnjë emërtesë e Edi Ramës në krye të Ministrisë së Brendshme nuk e ka luftuar krimin e organizuar, por ka bashkëpunuar dhe e ka mbrojtur atë me porosi direkte të Edi Ramës.

Edi Rama nuk mund ta luftojë Edi Ramën, prandaj i duhet një kukull si Sandër Lleshi për të mbrojtur veten dhe për t’i siguruar paprekshmëri krimit.

l.h/ dita