Drejtori për Zgjerimin në Komisionin Evropian, Stefano Sannino, gjatë një takimi me ministrin e Jashtëm të Shqipërisë, Edmond Panariti, ka bërë të qartë se KE pret rezultat konkret për plotësimin e tre kushteve të mbetura, në mënyrë që të rekomandojë dhënien e statusit kandidat për Shqipërinë.
.
Në të njëjtën linjë është pozicionuar edhe Ministri Panariti, i cili u ka bërë apel forcave politike per te treguar pergjegjshmeri per marrjen e statusit, i cili sipas tij do te qetesonte klimen politike ne vend.
“Forcat politike duhet te kuptojne rendesine e zgjidhjes se situates. Shpresoj ne nje zgjidhje per te miren e vendit” është shprehur Panariti.
Ministri i Punëve të Jashtme, Edmond Panariti ndodhet në Bruksel ku do të marrë pjesë në takimin ministerial mbi nismën Adriatiko-Joniane. Takimi organizohet nga Komisioni Evropian, Komisioneri për Çështjet Rajonale, Johannes Hahn, dhe në të do të marrin pjesë Ministrat e Jashtëm të Italisë, Shqipërisë, Bosnje-Hercegovinës, Kroacisë, Malit të Zi, Serbisë, Sllovenisë dhe Greqisë.
Synimi i këtij takimi është diskutimi midis Komisionit Evropian dhe vendeve të këtij rajoni mbi implikimet e mundshme të një strategjie makro-rajonale për rajonin Adriatiko-Jonian. Takimi do të përbëjë një mundësi mjaft të mirë që vendet e këtij rajoni, së bashku me Komisionin Evropian, të diskutojnë për të çuar përpara bashkëpunimin në fusha të tilla si: mbrojtja e mjedisit, transporti, peshkimi etj.