“Sapo dolëm nga pylli”

Gjatë vizitës zyrtare në Maqedoninë e Veriut, kryeministrja e Serbisë, Ana Brnabiç  nuk i ka shpëtuar provokimit të një gazetari shqiptar Furkan Saliu. Ky i fundit kishte zgjedhur të vishte një bluzë me figurat më të njohura shqiptare dhe me mbishkrimin: “sapo dolëm nga pylli”.

Kjo zgjedhje e gazetarit është bërë për të ironizuar deklaratën fyese të Brnabiç ndaj liderëve shqiptarë të Kosovës, të cilët i quajti “njerëz që kanë dalë nga malet”.

Saliu e pyeti kryeministren përse nuk po hapet pika kufitare Preshevë-Llojan, ndërkohë që Brnabiç tha se po shqyrtohet si mundësi. Ajo nuk bëri asnjë koment mbi bluzen ku ndodheshin ndër të tjera fotot e Nënë Terezës, Xherdan Shaqirit, Rita Orës, Bebe Rexhës apo Majlinda Kelmendit.

b.b/dita