Policia e Sarandës ka sekuestruar një sasi prej 15 kallëpësh tritoli, me peshë 400 gramë secili, dhe peshë totale 6 kg.
Tritoli u gjet i fshehur në një thes mes disa shkëmbinjve në kodrën mbi lagjen “Baba Rexhepi” në Sarandë.
Lënda shpërthyese u gjet pas kontrollit të imtësishëm të zonës të kryer nga Policia.
Policia në bashkëpunim me Prokurorinë dhe agjencitë e tjera ligjzbatuese po punon lidhur me dokumentimin e plotë ligjor të këtij rasti si dhe për identifikimin dhe kapjen e autorëve.