Vendi ynë nuk mund të konkurrojë në sektorin e turizmit me vendet e rajonit, jo vetëm për nivelin e cilësisë së shërbimeve, por edhe nga taksat e larta. Mospërfshirja e reduktimit të TVSH për këtë sektor në paketën fiskale ka sjellë dhe reagimin e Shoqatës Shqiptare të Turizmit, që pretendohet se, rëndon barrën fiskale dhe rrit informalitetin. Presidenti i Shoqatës, Enver Mehmeti, kërkoi nga qeveria të rinegociohet për këtë taksë në mënyrë që të ndryshojë para se të fillojë sezoni i ardhshëm turistik. Turizmi është paraqitur nga të gjitha qeveritë si sektor prioritar i ekonomisë dhe eksporteve, duke dhënë një kontribut në masën 14.7 për qind në Prodhimin e Brendshëm Bruto dhe ka të punësuar direkt dhe indirekt mbi 50 mijë vetë.
Si është niveli i TVSH në vendet e rajonit:
Shqipëria 20 %
Greqia 6,5 %
Mali i Zi 7 %
Kroacia 10 %
Bullgaria 7 %
Maqedonia 5 %
Rumania 9 %
Serbia 8 %
Sllovenia 8,5 %