Policia portugeze sekuestroi afro 10 ton hashash në detin Mesdhe dhe arrestoi 10 persona të dyshuar për trafik të lëndëve narkotike, bëri të ditur ajo.
Operacioni i ndërmarrë në bashkëpunim me autoritetet spanjolle, franceze, holandeze dhe greke pas një vit hetimi, mundësoi arrestimin e 10 personave të dyshuar, dy portugezë dhe katër holandezë të moshës 20 dhe 61 vjeç.
‘’Ata janë të dyshuar për pjesëmarrje në një organizatë kriminale ndërkombëtare e specializuar në trafikimin e drogës me shumë influencë në Portugali”, sqaroi policia gjyqësore portugeze në një deklaratë.
Anija e peshkimit e kthyer në varkë lundrimi po drejtohej me 333 pako hashashi në bord, drejt një vendi afrikan në pellgun e Mesdheut, me qëllim shpërndarjen e drogës në Afrikë dhe në disa vende evropiane.
Anija u interceptua dhe u drejtua në portin Portimao (jug) në sajë të përpjekjeve të njësisë portugeze të luftës kundër trafikut të lëndëve narkotike, me ndihmën e disa mjeteve të vëna në dispozicion nga marina dhe forcat ajrore portugeze.