Dhjetra kandidatura të propozuara nga Presidenti Obama për poste të ndryshme publike janë bllokuar në Senat nga republikanët e opozitës.
Mes tyre është është edhe ajo e ambasadorit të ardhshëm amerikan në Shqipëri, Donald Lu.
Kongresi pritet t’i fillojë punimet javën e ardhshme dhe miratimi i kandidaturave pritet të jetë në rend të ditës.
Kohët e fundit demokratët që kontrollojnë Senatin, i bënë një ndryshim historik rregullores së Senatit, sipas së cilës, emërimet presidenciale, me përjashtim të atyre për në Gjykatën e Lartë, mund të miratohen me shumicën e thjeshtë, me 51 vota, nga 60 që parashikonin rregullat e mëparshme.
Senatori republikan Lindsey Graham ishte zotuar se do të bllokonte të gjitha emërimet e reja të Presidentit Obama, për t’i bërë trysni administratës të jetë më transparente për ngjarjen e Bengazit, ku nga sulmi ndaj konsullatës amerikanë në Libi u vranë 4 persona, mes tyre edhe ambasadori amerikan.
Emërime si ato ku bën pjesë kandidatura e ambasadorit Lu, zakonisht miratohen në senat me konsensus unanim, pa qënë nevoja e një votë të regjistruar.
Kandidatura e ambasadorit Lu është miratuar tashmë nga komisioni i marrëdhënimeve me jashtë të Senatit.
VOA
Nuk ka kuptim qe te largohet Z. Arvizu nga Shqiperia pikerisht tani qe e njohu vertet.
Sa te njohi Lu-ja Shqiperine dhe Saline i ka ardhur kohe per t’u nderruar, me ka cu lala me la gojen.
Ky aziatiku ka marre rrogen nga parate qe SRB ka paguar Podestan nga taksat e shqiptareve per imazh ne USA.
Artikull pa koke dhe pa kembe.Hem thuhet se Senati kontrollohet nga Demokratet dhe nga ana tjeter thuhet se, kandidatura e Ambasadorit eshte bllokuar nga Republikanet,kur ai zgjidhet me 51 vota qe i kane Demokratet.Pastaj thuhet se, emerime te kesaj natyre behen me konsensus.Po ne se nuk miratohen me konsensus, atehere, a ka nje ligj dhe cfare parashikon ai ne kete rast?Sqarojini gjerat se, nuk arrijme te kuptojme asgje.Na beni te qeshim se, te tilla lajme ngjajne me ate qe thote populli: si ja dha ujin gomarit yzmeqari, te ftohte apo te ngrohte,se keq te ngrohte dhe keq te ftohte per njeriun e varfer qe i bente yzmet gomarit.Keshtu dhe ky lajm,nuk e marrim vesh, u pranua apo jo.