Seanca e radhës ndaj rekrutuesve të shqiptarëve për në Siri u shty. Shkak u bë pasi dy prej të akuzuarve, Gerti Pashja dhe Bujar Hysa janë larguar nga salla e gjyqit.
Ata kërkuan të njihen me aktet e shtyrjes së afateve të hetimit. I akuzuari tjetër, Fadil Myslimani i njohur për deklaratat e tij, në seancën e sotme nuk e kishte vetëm me politikanët, por me krejt shtetin.
Allahu e shkatërroftë këtë shtet”, tha ai në sallën e gjyqit. Seancat gjyqësore ndaj nëntë të pandehurve të akuzuar për rekrutim të luftëtarëve në Siri, janë shoqëruar shpesh me tone të ashpra, duke shkaktuar edhe dështimin e seancave.
Ende nuk dihet se pse ata braktisin sallën e gjyqit, duke shkaktuar edhe zvarritjen e procesit. /Dita/