Nga Mançester Junajtid në Tiranë. Dejvid Xhill, shefi ekzekutiv i klubit anglez ka ardhur të kërkojë votën e shqiptarëve për ambicien e tij të radhës.
Xhill do të synojë karrierën në UEFA dhe kjo e ka bërë të nisë një turne në Europë, pjesë e të cilit ishte edhe takimi me presidentin e Federatës Shqiptare të Futbollit (FSHF), Armand Duka.
Nuk mund të mungonte një pyetje për Fergusonin. Sa do të vazhdojë tek Junajtid?
I zoti i shtëpisë, Duka, nuk zbulon sekrete, por thotë se biseda ishte më e gjerë.
Në Federatë shpresojnë për mbështetje në projekte nga Anglia dhe pse jo ndonjë miqësore me shpikësit e futbollit.