1 person ka vdekur dhe 37 janë plagosur si pasojë e shembjes së një pjese të stadiumit komunal të Mahamasina-s në Madagaskar.
Sipas mediave botërore, ngjarja ka ndodhur përpara sfidës Madagaskar-Senegal.
“Xhaxhai jonë iku për të parë ndeshjen. Ai u largua nga shtëpia rreth orës 8:00. Ne dëgjuam që ai u shtrua në spital, pasi kishte marrë disa plagë nga shembja e tribunës së stadiumit”, ka thënë 30-vjeçari Harizafy.
“Nuk e kuptova pse kishte vetëm një derë të hapur në një stadium aq të madh”, është shprehur më tutje Harizafy, i cili shkoi në spitalin “Hjaja” për të mësuar më shumë rreth gjendjes së anëtarit të tij të familjes.
Pavarësisht incidentit, takimi ka nisur në kohën e planifikuar. Ajo që ra në sy ishte se dy skuadrat nuk mbajtën asnjë minutë heshtje.
Takimi i vlefshëm për Kupën e Afrikës u mbyll me rezultatin 2-2.
s.a/dita