Ndër vite shëndeti oral tek infantet dhe fëmijët ka ndryshuar ndjeshëm. Sidoqoftë, në vende të ndryshme dhe në shoqëri të ndryshme, ky ndryshim për mirë nuk vërehet e fëmijët vazhdojnë të vuajnë nga dhimbja e diskomforti i sëmundjeve dentare. Në 1989-n, Akademia Amerikane e Dentistrisë Pediatrike publikoi rekomandimet ku infantet duhet të vizitohen nga një mjek stomatolog jo më vonë se 12 muaj ose të paktën 6 muaj pas daljes së dhëmbit të parë permanent(rreth 6 vjeç e gjysmë). Kujdesi ndaj shëndetit oral tek infantet fillon që tek konsullatat me nënën gjatë shtatëzanisë(marrja e suplementeve si flour, kalcium në sasinë e duhur).
Gjatë vizitave periodike të infantit dentisti duhet të:
-regjistrimin e historikut dentar dhe mjekësor të fëmijës, duke përfshirë edhe periudhën prenatale dhe postnatale
-plotësimin e ekzaminimit të plotë oral
-vlerësimin e riskut për zhvillimin e sëmundjeve orale dhe dentare, dhe përpilimin e një plani të duhur prevenimi..
Fatkeqësisht shumë prindër vazhdojnë të kenë ‘frikë”dhe mungesë informacioni e nuk i vizitojnë fëmijët në kohën e duhur duke menduar që janë dhëmbë qumështi dhe do bien..Dentistët hasen shpesh me shprehje të tipit: fëmijës do t’i bien këto dhëmbë e kështu që pse duhet t’i mbushim? Nëse prevenimi nuk është i mundur, të paktën ndërhyrjet duhen të bëhen sa më shpejt që fëmija mos të bezdiset në kabinetin dentar dhe të mos ketë dhimbje dhe ndërhyrja të jetë sa më pak traumatike.
Ekzaminimi i parë dentar është i rëndësishëm veçanërisht për;
-përcaktimin e shkallës së riskut të bazuara kryesisht nga informacioni që merret nga prindërit
-vlerësimin e nevojës për fluor
-vlerësimin e llojit të dietës që fëmija ndjek
-mësimin në mënyrë të duhur të larjes dhe kujdesit ndaj dhëmbëve të infantit
-përgatitjen e infantit për terapinë preventive, interceptive dhe restorative
Vlerësimin e faktorëve të riskut:
nënat me shëndet të keq dentar
nënat me informacione të dobëta mjekësore
ushqyerje e varfër prenatale
ushqyerja e keqe e fëmijës si: lëngjet me përmbajtje të lartë sheqeri
higjena orale e dobët
Prevenimi
Lloji i prishjes së dhëmbëve që ndodh gjatë eruptimit të dhëmbëve primar përcaktohet si kariesi i fëmijëve (kariesi i biberonit). Përcaktohet nga prezenca e një ose më shumë dhëmbëve të prishur tek fëmijët nën moshën 3 vjeç. Kjo sëmundje progreson shumë më shpejt sesa kariesi tek dhëmbët e të rriturve. Prevenimi mund të shikohet në 3 nivele. Niveli primar duhet të menaxhohet nga pediatri. Sekondari fillimisht përcaktohet nga pediatri dhe më pas referohet tek mjeku stomatolog, ndërsa tek niveli i tretë në mënyrë strikte ndiqet nga stomatologu ku dhe kryhet rehabilitimi.
Modifikimi i ditës:
Evidenca të forta tregojnë që fëmijët që konsumojnë lëngje me përmbajtje të lartë sheqeri kanë risk shumë të lartë për shfaqjen e sëmundjeve karioze. Duhet pasur parasysh mbajtja e niveleve optimale të flourit, limitimin e përdorimit të ushqimeve me përmbajtje të lartë sheqeri, larjen e dhëmbëve dhe shpëlarjen e gojës pas të ngrënit.
* Stomatologe