SHËNIM: Korrigjim hartimi – në kërkim të një note për Lulin

Zysh “Arsyeja”, morri në dorë hartimin e nxënësit Lulzim Basha, për ta vlerësuar se ç`kishte hedhur në fletët e bardha. Ajo u kish caktuar një temë të lirë dhe mendonte se kësaj rradhe Luli nuk do zgjidhte të përhershmen temë “Dita e parë e shkollës”, por do endej paksa qiejve të fantazisë fëminore për t`u shprehur qoftë dhe për një lule në oborrin e gjyshes, por jo më për çastin idilik kur veshi për herë të parë grykësen me jakë të bardhë dhe inicialet e emrit L.B përmbi zemër, qëndisur me pe muline, e ku në çantë futi librat, fletoret, lapsat, penën e bojën, bashkangjitur dy fetave bukë me gjalp e reçel për t` ngrënë në pushim të gjatë. Por ç`të shikonte zysh “Arsyeja”, Luli kishte mbetur sërish tek dita e parë e shkollës, pa bërë asnjë hap më tej, me të njëjtat fjalë e përjetime.  Për zyshën ishte një rast i pangjashëm në karrierë, ku përballë kishte një nxënës, jo thjesht të dobët në fjalëformim, jo thjesht me mangësi në drejtshkrim, por me një mendjengushtësi si të ish tipar i një zhvillimi të vonuar. Të paktën të ish një çapkën i lezetçëm! – tha me vetë zysh “Arsyeja” duke psherrëtirë lehtas nga një ndjenjë zhgënjimi dhe bezdie, pasi?! ….pasi mbarroi se dëgjuari Lulin në mbledhjen e rradhës së Grupit Parlamentar të PD-së, ku si një kaçator politik, u end qiejve të Shqipërisë duke ndjekur avionët me drogë si zogu zogun në stinë dashurie. / E.H.