SHËNIM: Ku u ndie më shumë mungesa e Enkeleda Zekos këtë Botëror?!

Enkeleda Zeko, gazetarja dhe moderatorja e profilizuar për botën e sportit, e cila, sipas një lajmi ka hedhur në gjyq eprorin e tij, përfaqëson vërtet një model pa të dytë në gazetarinë sportive shqiptare të pas `90.   E dominuar nga meshkujt, prezenca e saj prej vitesh në ekran si një femër e specializuar për botën e sportit, ishte padyshim një risi pozitive.  Dhe sa për konfliktin e saj me një prej drejtuesve të RTSH, ato gjithsesi mbeten problematika të brendshme, jo gjithnjë plotësisht të njohura për publikun dhe plotësisht të mjaftueshme për të dhënë gjykime nëse njëri apo tjetri kanë të drejtë. Është e vërtetë se Enkeleda Zeko i ka munguar këtij Botëtori; por më shumë se si moderatore, i ka munguar në komentet e kryesorit të komentimeve të ndeshjeve, që mbiemri Grillo nuk e përafron aspak me stilin alla Lad të komentit, të shtruar, të qetë, me nervin jo në kurbat zanore, por në saktësinë e paraqitjes së asaj çfarë ndodh në fushë, në çdo detaj. Ndërsa Grilloja aktual, njihet për faktin se në çdo dy a tre fjali, njërën ja kushton Enkeleda Zekos. Në komentet e tij, të ngjan se nuk është hiç e rëndësishme se ç`ndodh në fushë, para faktit se për ndeshjen do flitet në emisionin e drejtuar nga Enkeleda Zeko…dhe se ndeshjet transmetohen dhe në HD!  / E.H.