SHËNIM: Lajme me “duar”

Tranzicioni ynë ka prodhuar asoj lajmi qa ngjan sikur është trashëguar nga bota e raporteve fëminore, ku sjellet çamaroke të të vegjëlve me njëri – tjetrin, janë përplot situata groteske. Përshembull fëmijët herë zihen e herë pajtohen dhe këtë e shprehin me ca gjeste simbolike, ku nëse vendosin të bëjnë bëjnë “divorc”, me gishtin e vogël të njerës dorë mbledhin pak pështymë në cepat e buzëve dhe e lëshojnë atë në drejtim të shoku-shokut si shenjë që nuk do flasin e komunikojnë më, ose thënë ndryshe janë adhnuar. Ndërsa kur pajtohen, po me gishtat e vegjël realizojnë një akt simbolik të lidhjes së tyre në formë hallkash. Duke iu referuar kësaj sjelljeje, një “kalamanllëk” të afërt më të e kemi të pranishëm tek fëmijët e rritur të politikës, të cilët më shumë se me punën tyre, maten me “virtytin” e duarve nëse refuzojnë apo pranojnë t`i prekin ato të kundërshtarit. Dje kishte një lajm, sipas së cilit Ministrja e mbrojtjes Mimi Kodheli, (ç`ka bërë aman?!),  kish shtrënguar duart me kreun e SHISH-it, Visho Ajazi Lika dhe se kjo kishte ndodhur në prani të ambasadorit Arvizu! Kodheli e Ajazi Lika nuk kanë patur përplasje dhe as ka ndodhur të refuzojnë një shtrëngim normal duarsh. Kështu që fakti që i dhanë dorën shoqi-shoqit në një aktivite,t jo doemos duhet të përbënte lajm. Ah po, mundet që të ishte lajm por në një tjetër kontekst: Para ambasadorit amerikan, të gjithë ngjajnë si ëngjëj! Edhe kjo: që edhe pas 23 vjetësh, ende përbën lajm tek ne nëse dy kundërshtarë politikë preken me duar! / E.H.