“Lazarati” i furgonave dhe ai i hashashit

Gjykuar nga ajo çfarë shprehnin gjithë nervozitet drejtuesit e furgonëve të transportit ndërurban, të ngjan se qeveria ka ndërhyrë në “Lazaratin” e furgonëve, por me një tjetër standart nga ai i zgjedhuri për Lazaratin e hashashit. Nëse për këtë të dytin, është ndjekur një linjë arsyetimi që ka të bëjë me meraqe të sferës sociale, tej faktit se ditën për diell aty lulëzon e ndaluara, në rastin e lënies për një ditë të 21 mijë të papunëve, duke qenë njëherësh edhe kryëfamiljarë, nuk është shoqëruar kjo masë me asjnë ofertë sociale. Më e pakta pra, ka një padrejtësi në këtë lloj zhvillimi që shoqërohen nga dy standarte; dhe kur në thelb të dicckaje është padrejtësia, aty nuk ka asnjë lloj zgjidheje, aq më pak të suksesshme, por mbi të githa, u hapet rruga gjenerimit të tjerave problematikave sociale, me po aq pasoja, ndoshta dhe më shumë se ato, që konsiderohen si shkak për marrje vendimesh të tilla. Nuk mund të shërbejë një aksident me furgon, si indicije për të ndaluar të gjithë qarkullimin e trasportit të udhëtarëve me furgona. Paketa e masave, duhet të përfshijë ato afatshkurtërat dhe afatgjatat, duke u përpjekur të ruajë ekuilibra të pacënuar të sferës ekonomike e sociale, aq më tepër në këtë kohë krize. Por më kryesorja, është morali i cënuar i ccështjes. Në rastin e ndalimit të qarkullimit të furgonave, shteti ka prishur një kontratë me shtetasit në mënyrë të njëanshme, derisa këta të fundi pretendojnë se janë plotësisht të rregullt me letrat e ligjin. Një qeveri në kushte shqiptare, riskon nganjëherë dhe me të gjykuarit si e paaftë në raport me problematikat ulëritëse që ka vendi, ngërrcet e jashtëzakonshme në ccdo zë e sektor jetë, por nëse udhëheq me drejtësi, ia rrit shanset vetes që të mirëkuptohet, e që të jetë e suksesshme në punët që bën.

P.S. Më e pakta, Avokati i Popullit duhet të jetë patjetër mes drejtuesve të furgonëve këto ditë, edhe nëse ata nuk pranojnë të deklarohen homoseksualë!!/E.H