Pas lajmit për 20 kuadro të Rendit që do të dërgohen për ndjekje penale me akuzën e shpërdorimit të detyrës, e para gjë që të vjen ndërmendje janë burgjet dhe kapacitet e tyre për të pritur sa e sa kuadro të tjerë që përfliten e akuzohen për të njëjtat shkaqe. I gjen ata kudo, në çdo sektor, institucion; në çdo nivel pushteti e politike; janë të çdo kohë e periudhë; janë të të gjithë profileve e me statute të ndryshme sociale, por që bashkohen në një pikë: kanë shkelur ligjin. Dhe varësisht kësaj, rrezikojnë dhe burgun.
Ndonëse koha ka provuar se pas hekurave janë më tepër gjynhaqarë, që si të thuash, e kanë pësuar nga fati i keq i mos të paturit para dhe miq, sesa nga ajo që kanë bërë. Ekziston një ide e përgjithshme se të ndëshkuarit në qeli, janë horra e të pagdhendur të krimit të rrugës e atij ordiner, e në rastin më të keq kriminelë e delikuentë. Ndërsa për atë krimin e firmës, shifrave, falsifikimit, mashtrimit e zhvatjes, zbukuruar me lajle –lule kinse institucionale, pothuajse nuk ekzistojnë prangat, gardianët, qelitë. Ka një diferencë mes fakteve të prekshme dhe përshtypjeve të përgjithshme, por në rastin shqiptar, ka një dominancë të frikshme të bindjes totale publike, se krimi i vërtetë në këtë vend, mbetet jashtë; është i kollarisur dhe sigurisht i pajisuar me diplomë.
Dhe nëse një ditë, Drejtësia do punojë me kutin e kësaj bindjeje publike, burgjet shqiptare do jenë me përbërjen me intelektuale në botë. Do hasësh aty doktorë, financierë, ekonomistë, arkitektë, urbanistë, inxhinierë, agronomë, e padyshim juristë. Por shumë ama. Pa harruar faktin se a do mund t`i nxënë të gjithë. Dhe do kishim pra burgjet me përbërjen më intelektuale në botë!
“Burgjet me përbërjen me intelektuale në botë” po thoni o zoti ermir? Burgjet me më te diplomuarit nê botë, jo me përberjen me “intelektuale” në botë them unë!? Sepse si mund t’i quash intelektuale ata njerëz? Sipas ” Sartrit” koncepti intelektual i përket atij që lufton,që krijon, që ndeshet për drejtësi sociale e shoqërore, jo gjithkujt!? Apo jo? Por dhe në një këndvështrim tjetër ata “burgaxhinjtë tuaj” nuk dihet a i kanë diplomat me meritë apo me blerje? Shiten e janë shitur shumë ermir djali? A doni t’ju ble një diplomë gjenerali? Më bëni një zë dhe vij ju gradoj!? Nderime ermir sepse pavarësisht nga plotësimi im i këndveshtrimit tuaj, shkrimi është tërheqës dhe problematika e tij ka ku të godasë e të korigjojë !
Ky problem qe nuk kemi vend ne burgjetregon qe megjithese kemi ndertuar,ne keta 25vjet vetem burgje prape ato nuk mjaftojne.Mos i jepni te drejte diktatures dhe anti shqiptareve se ne mertojme nje burg te madh.Zbatoni ligjin dhe do te shikoni se numri i te burgosurve do te zvogelohet ne pak vite.Ne jemi popull frikacak e qe neneshtrohemi teper lehte.