SHËNM: Kujt i intereson kjo klimë dhune në Parlament?!

Edhe pse ajo çfarë po ndodh në jetën politike të Tiranës dhe posaçërisht të enjteve në parlament, është krejt e dukshme, qartësisht e dallueshme, tifozeria politike bën që ta viktimizojë njërin krah e ta demonizojë tjetrin, respektivisht sipas preferencave, pa u futur kurrë në një analizë, që jo doemos duhet të jetë e thellë dhe e komplikuar. Opozita akuzon mazhorancën se po ushtron dhunë ndaj saj, ndërsa mazhoranca akuzon opozitën se dhunën po provokon ajo me gjuhën e dhunshme që po përdor. Si i bëhet që të dilet nga ky qerthull akuzash?! Si i bëhet që t`i japësh të drejtës vendin e vet, ngado ta ketë realisht ajo, në këtë apo atë krah?! Asnjëanësia nuk duhet të jetë që dhunën e gjuhën e saj t`ua ndash propocionalisht dy palëve për hir të një ekuilibri, por që të gjesh metodën e duhur, të padiktuar nga asnjë lloj emocionaliteti për t`i dhënë dum se kush është e kush nuk është gabim. Ekulibër ka vetëm në një pikë: që nga dy kahjet, has deputetë kokëkrisur që nuk e kanë për gjë të përlahen me fjalë, duar e shqelma. Por çështja është tek fryma, tek ai skicimi që është bërë ftohësisht, pa hyrë në sallën e kuvendin, tek ajo llogaria e detajuar, se çdo të fitohet në shumatoren finale të ndodhive të atyshme. Një pyetje e shtruar e sqaron gjithë këtë ngërç: në fund, kujt i intereson kjo klimë dhune në parlament?! Mazhorancës më pak se akujt tjetër. Kush është në pushtet, kur nuk preferon trazira. Përkundrazi, bën çmos të krijojë një klimë paqeje që i garanton komoditet në qeverisje, përkrahje të vetëvetishme në popull dhe jetëgjatësi, sigurisht. Një situatë e tillë, natyrshëm që nxjerr të fituar opozitën, pasi dhe sikur punët e qeverisë të shkonin mbroth, një klimë dhune do përçojë atë lloj stresi e parrehati psikologjike në popull, sa penalizimi shkon ndaj atij që ka pushtetin. Dhe tani, jeni të lirë të nxirrnin përfundimet. Nëse jo për këtë, për ç`tjetër gjë një pjesë e quajnë Berishën politikan të zotë?! /E.H.