Një sherr ka ndodhur dje në mbrëmje mes disa emigrantëve shqiptarë dhe disa banorëve vendas në një fshat të Selanikut.
Mësohet se disa të rinj janë përleshur fizikisht, e për pasojë ka humbur jetën një shtetas grek 22 vjeç, si pasojë e goditjes me thikë.
Ngjarja ndodhi në orët e vona të mbrëmjes së të dielës në qendër të Kalohorit. Ende nuk dihen motivet e përplasjes, ndërkohë që nuk janë dhënë as detaje të tjera.
Mediat greke bëjnë me dije se policia ka arrestuar 9 persona si të dyshuar për përfshirje në ngjarje. Autoritetet helene po përpiqen të vënë situatën nën kontroll pasi i druhen tensioneve të reja mes vendasve dhe emigrantëve.