Një sherr i nisur në një bilardo për pak rrezikoi që të shndërrohej në tragjedi.
Një 24-vjeçar është plagosur me armë zjarri pasditen e sotme në qendër të Fushë Arrëzit. Arjan Voci, nga fshati Dush i Vaut të Dejës, është qëlluar me armë zjarri pas një sherri mes të rinjsh në një bilardo.
Policia është vënë në kërkim të autorit të dyshuar, i identifikuar si V.Topjana, i cili u largua menjëherë pas kryerjes së krimit.
Arjan Voci është dërguar në spitalin e Shkodrës, në gjendje kritike për jetën.