5 shqiptarë janë arrestuar në Pavia të Italisë,pasi është konstatuar se grupi shiste lëndë narkotike.
Policia italiane përgjatë kontrolleve, që ka ushtruar në kuadër të një operacioni anti-drogë, ka vënë re praninë e 5 shqiptarëve në një nga sallat e lojërave të fatit , të cilët pas verifikimeve rezultuan se shisnin kokainë.
Të arrestuarit janë A.J, 35 vjeç, P.S, 39 vjeç, A.K, 39 vjeç, P.D, 40 vjeç dhe E.L, 42 vjeç.
Mediat italiane shkruajnë se katër të parët kanë marrë masën e sigurisë arrest në burg, ndërsa i pesti ka marrë masën arrest shtëpie.
Shqiptarët me inicialet P.S. e E.L. iu shisnin sasi kokaine shitësve të rrugës, midis tyre edhe A.J. Këto të fundit ua shisnin kokainën konsumatorëve italianë në doza 0.5 gramë me çmim 50 euro.
s.a/dita