Të zhytesh në një pishinë kur në sfond ke alpet zvicerane – pamja e mrekullueshme e kapur në një video të shkurtër është bërë menjëherë virale. E titulluar “Shkallët e parajsës”, videoja 39 sekondëshe tregon një grua që zhytet në pishinën e veçantë të hotelit me 5 yje ‘Villa Honegg’, në Ennetburgen, Zvicër.
Pishina, për të mbërritur tek e cila duhet të kalosh një shkallë uji, duket sikur nuk ka fund teksa drejtohet në një skaj të padukshëm ku shtrihen alpet dhe liqeni i Lucernit.
Por, jo çdokush mund ta shijojë këtë mrekulli; çmimi i një nate për dy persona në këtë hotel vërtitet tek shifra e 1 mijë eurove.
https://www.youtube.com/watch?v=_jrYRtbuhMA