Opozita duhet të ketë një rol monitorues dhe parandalues, por kjo duket qartë se nuk po ndodh.
Njësoj si me rastin e Teatrit Kombëtar apo Maternitetin, ëtë mëngjes ka reaguar për Mozaikun e Tiranës, kandidatja e LSI Klajda Gjosha.
Por me vonesë.
“Javë e tmerrshme për Tiranën. Të shtunën në darkë u prish materniteti Mbretëresha Geraldinë, monument kulture e memorie historike për të gjithë qytetarët që lidhën me të me qindra mijëra kujtime!
Të hënën u prish Mozaiku i Tiranës. Gjurma më e vjetër historike e Kryeqytetiti nga periudha e Perandorisë Romake, asaj Bizantine dhe fillimet e Krishtërimit në Shqipëri. Shkatërrohet në pak sekonda duke u mbuluar e gjitha në beton!
Ndërkohë po këto ditë është marrë dhe vendimi në KKT që Galeria Kombëtare e Arteve të ndjekë fatin e godinës së Maternitetit.
Për fat të keq projekte të ngjashme janë parashikuar dhe për Muzeun Historik dhe Bibliotekën Kombëtare.
Në fund të mandatit kjo qeveri po shkatërron e tjetërson çdo pasuri kulturore e publike. Duket sikur zemërimi për humbjen e pushtetit po del duke shkatërruar cdo gjurmë historie dhe identiteti mbi kryeqitetin e Shqipërisë!
25 prilli nuk është vetëm rotacion politik por dhe mision kombëtar! Duhet t’ia ndalim dorën kësaj qeverisje” – shkruan Gjosha.
c.r /dita