Shkëlzeni i përgjigjet Dodës: Thumbat për Aldo Bumçin vlejnë më shumë se ato për kundërshtarin?

PD është përfshirë nga ethet e zgjedhjeve, ndërsa “fërkimet” mes anëtarëve të saj nuk mungojnë. Por në “luftën e brendshme” përfshihen shpesh edhe familjarë të figurave qendrore të PD.

Djali i liderit historik të demokratëve, Shkëlzeni, ka shkëmbyer replika në Facebook me deputeten demokrate, Mesila Doda, e njohur si zëri ndryshe brenda selisë blu.

Ironisë së Dodës, e cila shkruante dje se “Tani që udhëzimi na e mori të keqen dhe nuk ka më asnjë pengesë, unë propozoj të nisim fushatën: ‘Aldo Bumçi, kryetar i PD Tiranë’”, Shkëlzen Berisha i është përgjigjur me një postim në Facebook.

“Për disa në opozitë ‘thumbat’ për Aldon vlekan më shumë se ato për kundërshtarin”, ka shkruar Shkëlzen Berisha në statusin e Dodës.