Shkëlzeni, pushime me fëmijët

Këtë fillim gushti, familja Berisha ka nisur pushimet verore. Vajza e ish-kryeministrit, Argita Berisha, me familjen e saj është duke kaluar disa ditë në një nga resortet e shumta në Turqi. Shkëlzeni, së bashku me fëmijët e tij që ka nga martesa e parë, ka shoqëruar të motrën në plazhet turke. Ajo që bie në sy është mungesa e Arminës në pushimet e familjes Berisha. Javët e fundit, mediat kanë folur për një bashkëjetesë të çiftit, madje edhe për një fejesë të shpejtë, megjithatë Armina nuk e ka shoqëruar Shkëlzenin në Turqi. Arsyet ende nuk janë bërë të ditura, nëse Armina ka pasur impenjime të tjera në Tiranë dhe nuk ka mundur të shkëputet, apo ndoshta ka rezervuar të tjera pushime më intime, për të bërë me të dashurin e saj. Që në fakt nuk i kanë munguar gjatë vitit, Maldivet janë destinacioni i tyre i preferuar. Shkëlzeni ka postuar në Facebook një foto të fëmijëve përgjatë pushimeve, foto të cilën Armina nuk ka ngurruar ta pëlqejë. Nga ana tjetër, Sadije Berisha ka preferuar të heshtë sa i përket lidhjes më të re të ish-bashkëshortit. Pas ndarjes, ajo u largua nga Shqipëria, mbylli llogarinë në Facebook dhe iu përkushtua totalisht fëmijëve. E duket se tashmë Sadija e ka kaluar momentin e vështirë të ndarjes. Pasi është rikthyer edhe një herë në rrjetet sociale, ajo kalon një pjesë të madhe të kohës online. Para pak ditësh, ajo ka postuar në profilin e saj një thënie që, me sa duket, për të merr shumë kuptim. “Baba nuk të bën lindja e një fëmije, por rritja e tyre”, është statusi që ish-bashkëshortja e Shkëlzenit ka postuar. Sadija ka gjetur këtë mënyrë për t’iu kundërpërgjigjur gjithçkaje që ka ndodhur kohët e fundit me trekëndëshin Shkëlzen-Armina-Sadije.