Shkodër, agjentët e infiltruar futën në kurth ‘ustain’ e bombave

Një agjent policie i infiltruar dhe me detyrën e porositësit, ka çuar drejt arrestimit të suksesshëm të Pjetër Babaj dhe Lulzim Toska të enjten Shkodër, të dyshuar si prodhues dhe tregtarë të minave me telekomandë. Prokuroria e Krimeve të Rënda në bashkëpunim me uniformat blu, prej muajsh kishin në vëzhgim dy personat dhe ishin të skeduar si montues dhe tregtarë të lëndëve eksplozive. Pas porosisë së të infiltruarit është vendosur që në datën 10 prill të bëhej takimi dhe dorëzimi i porosisë pranë urës së Bunës dhe pak minuta më pas arrestimi i të dytit.