Operatori i Sistemit të Shpërndarjes së Energjisë Elektrike në Shkodër ka zbarkuar në Bashkinë e Vau Dejës, për ndërprerjen e energjisë elektrike ndaj kryebashkiakut. Sipas inspektorëve, Gjon Marku rezulton debitor, me 2 muaj fatura të papaguara në vitin 2013. Pas debatit me punonjësit e OSHEE, kryebashkiaku Marku e quan sulm politik këtë veprim, pasi sipas tij është i rregullt me pagesat e energjisë elektrike. Sipas OSHEE, në sistemin elektronik, Marku rezulton debitor prej 2 muajsh, por kryebashkiaku deklaron se në librezë i ka të derdhura detyrimet.