Shtëpia e një të moshuari ka rënë pre e grabitjes mëngjesin e sotëm në fshatin Suka-Dajç në Shkodër. Policia pohon se persona të paidentifikuar, kanë hyrë në shtëpinë e 67-vjeçarit M.V., duke grabitur 4.500 euro dhe një kompjuter lap-top të markës “Samsung”.
Nuk dihet akoma nëse i zoti i shtëpisë, i cili jetonte i vetëm ka qenë në banesë apo jo. Policia ka nisur punën për zbardhjen e ngjarjes dhe zbulimin autorëve.