Një person i vdekur dhe një i plagosur është rezultat i një aksidenti të ndodhur rreth orës 17:20 të mbrëmjes së djeshme, në aksin rrugor Shkodër-Hani Hotit. Ngjarja është bërë e ditur nga policia lokale, që ka shkuar në vend për të nisur hetimet. Sipas uniformave blu, viktimë e këtij aksidenti ka mbetur Fran Pepushaj, 22 vjeç, ndërsa i plagosur rëndë është Saimir Hoxha.
Sipas policisë, makina ka dalë nga rruga në fshatin Shtoj, pasi drejtuesi ka humbur kontrollin.