(E përditësuar) Vritet një person tek godina e studentëve në Shkodër. Policia është vënë në kërkim të autorëve, ndërkohë që dyshohet se vrasësit janë dy.
Dëshmitarë në vendngjarje bëjnë të ditur se autori ka qëlluar me breshëri automatiku dhe arma është lënë në vendngjarje. Viktima është Aleksandër Qarri, 24 vjeç, i cili ndërroi jetë në spital.
Ndërkohë dy persona të tjerë deklarohet se kanë mbetur të plagosur për shkak të plumbave, megjithëse ende nuk është bërë zbardhja e plotë e ngjarjes.
Forca të shumta policie kanë mbërritur në vendngjarje. Policia vijon hetimet, priten të dhëna të mëtejshme…