Një shpërthim me eksploziv në orët e para të mëngjesit të sotëm ka tronditur qytetin verior.
Eksplozivi i ishte vendosur makinës tip Volkswagen në pronësi të inspektores së Drejtorisë Arsimore Rajonale, Frida Kopliku, 60-vjeçe.
Nga shpërthimi makina është përfshirë nga flakët, ndërsa zjarrfikësja ka arritur në kohë duke parandaluar djegien.
Efektivet e policisë dyshojnë për lëndë plasëse artizanale që i është vendosur makinës poshtë sediljes.
Në momentin e shpërthimit makina ka qenë e parkuar në lagjen “Vojo Kushi”.
Nga shpërthimi, automjeti është dëmtuar lehtë në pjesën e prapme. Nuk ka pasur dëme në njerëz.
Ndërkohë që policia ka nisur hetimet për të zbardhur plotësisht ngjarjen.
Grupi hetimor do të marrë edhe dëshminë e inspektores për konfliktet e mundshme për të shkuar në gjurmët e autorëve.