Për të dytën herë brenda harkut kohor të 2 muajve, shkëndija elektrike ka shkrumbuar banesën e familjes së Ndoc Qukaj, në fshatin stom Golem të komunës rrethina të Shkodrës. Në momentin e rënies së zjarrit, në banesë ndodheshin vetëm 3 fëmijët e kësaj familje dhe bashkëshorti, i cili është person me aftësi të kufizuara, por fatmirësisht ato nuk kanë pësuar lëndime. Ndërhyrja në kohë e shërbimit zjarrfikës ka bërë që të shmanget përhapja e flakëve më tej, ndërsa dëmet materiale janë të konsiderueshme.