Ekspertët e shëndetit publik deklarojnë se gjatë kontrolleve të ushtruara në shkollat e arsimit parauniversitar, si dhe në kopshte e çerdhe të ndryshme të kryeqytetit janë konstatuar raste të fëmijëve me parazitë në kokë (morra).
Pas kontrolleve të kryera, ku janë konstatuar raste të fëmijëve me parazitë në kokë, mjekët dhe mësuesit janë konsultuar me prindërit e tyre dhe për këta nxënës është vendosur që të trajtohen për disa ditë në shtëpi me preparatet përkatëse.
Pakujdesia në mbajtjen e higjienës personale është shkak për krijimin e këtyre parazitëve tek fëmijët. Por ajo që cilësohet si më shqetësuese sipas mjekëve është fakti se prania e parazitëve është ngjitëse, çka do të thotë se mjafton që vetëm një fëmijë të ketë zënë morra si rezultat i higjienës së dobët, për të rrezikuar përhapjen e tyre tek të gjithë pjesa tjetër e fëmijëve që qëndrojnë në të njëjtin ambient.
“Në muajin shtator-tetor rastet e konstatuara janë zgjidhur absolutisht me prindërit dhe është vendosur për trajtimin e këtyre fëmijëve në shtëpi”, shprehet ekspertja e shëndetit Teuta Pipa. Për të mos rënë pre e këtyre parazitëve, mjekët u rekomandojnë prindërve që të jenë më të kujdesshëm që t’u sigurojnë një higjienë sa më të mirë personale fëmijëve të tyre.
Në raste të caktuara këshillohet prerja e flokëve, ndërsa trajtimi është më efektiv me preparate të posaçme dezinfektuese. Fenomeni i zënies së morrave ka qenë shumë i theksuar para viteve ‘90, ku mungonin në masë shampot cilësore, si dhe problemeve të shfaqura me higjienën personale.
Po keshtu eshte kur gjysma e drejtoreshave te shkollave 9 vjecare vijne nga fshatrat e thella te Kukesit.