Një shqiptar i Shqipërisë ka tentuar t’i japë ryshfet 5 euro policisë së Kosovës.
Rasti është regjistruar në Pejë dhe sipas policisë së shtetit fqinj, shtetasi nga Shqipëria është gjobitur për kundravajtje.
“Njësitet policore pasi kanë ndalur veturën të cilën e drejtonte i dyshuari mashkull shqiptar shtetas i Shqipërisë, gjatë kontrollit i njëjti u ka ofruar ryshfet një kartëmonedhë prej 5 € zyrtarëve policorë, me qëllim që mos t’i shqiptojnë tiketë për kundërvajtje. Me vendim të prokurorit rasti shkon në procedurë të rregullt”, njofton Policia. /Dita/