Shpenzimet e fushatës, Kamza mban rekordin

Kamza vlerësohet si një nga fushatat më të shtrenjta për sipërfaqen në të cilën zhvillohet gara. Kompania që ka kryer prodhimin e posterave për një nga kandidatët pohon se sasia e printuar është 4500 m² për një kosto prej 20 mijë euro.

Pothuajse të njëjtën sipërfaqe ka printuar dhe konkurrenti tjetër.

Burime po nga e njëjta kompani pohojnë se për kandidatët e Tiranës ata kanë printuar nga 500 m² për secilin, shumë më pak se për konkurrentët e Kamzës.

Në Kamzë po zhvillohet një garë e fortë ndërmjet kandidadit të LSI, Safet Gjici dhe atij të PD-së, Xhelal Mziu.

Në total, kjo kompani ka printuar për fushatë rreth 12 mijë m². Kandidatët në përgjithësi janë të rrgullt me pagesat. Një tjetër operator tregu, po ndër më të mëdhenjtë, pohon se sasia e printuar prej tyre ka qenë rreth 6000 m²./Monitor