Persona të paidentifikuar kanë hedhur një sasi eksplozivi në banesën e një 79-vjeçari. Ngjarja ka ndodhur një ditë më parë në fshatin Verion të Durrësit.
Burime nga policia bëjnë me dije se autorët e ngjarjes e kanë hedhur lëndën plasëse në oborrin e banesës së shtetasit S.Sh. Si pasojë e shpërthimit është hapur një gropë e madhe në oborr, por fatmirësisht nuk janë regjistruar dëme në njerëz dhe materiale.