Një shpërthim ka ndodhur paraditen e sotme në rafinerinë e naftës në Fier.
Sipas informacioneve paraprake, shpërthimi ka ndodhur në një depozitë nafte dhe për pasojë janë plagosur 3 punonjës, dy prej të cilëve janë identifikuar si shtetasit Petrit Pashai dhe Ermir Sema.
Mësohet se 3 punonjësit kanë qënë duke pastruar depozitën e naftës në kohën e shpërthimit ndërsa dyshohet se ngjarja është aksidentale.
Menjëherë të plagosurit janë dërguar me urgjencë në spital por Petrit Pashai është dërguar për një mjekim më të specializuar në Tiranë pasi ka djegie të shkallës së dytë.
Ndërkohë policia e cila ka shkuar menjëherë në vendngjarje ka nisur hetimet për zbardhjen e plotë të shkaqeve të shpërthimit.