Një shpërthim i fuqishëm u regjistrua gjatë natës së shkuar në qytetin e Vlorës.
Ngjarja ndodhi në lagjen “Karabash” rreth mesnatës, duke shkaktuar panik tek banorët. Shënjestër e shpërthimit ka qenë një kamionçinë, të cilës i është vendosur një eksplozive.
Lënda dyshohet të jetë e llojit tritol. Makina ka qenë e parkuar anës rrugës, ndërsa fatmirësisht nuk ka të lënduar, por vetëm dëme materiale.
Policia shkoi në vendin e ngjarjes ku nisi hetimet. Ende nuk dihen arsyet, por autori ose autorët kanë dashur t’i japin një mesazh pronarit. /Dita/