Shpërthimi në farmacinë e Bashkim Tahirit, asnjë nga të arrestuarit s’pranon pjesëmarrjen

Katër të arrestuarit për aktet terroriste për ngjarjet e 10 shkurtit në kryeqytet nuk kane pranuar asgje ne polici.

Në prani të avokatëve mbrojtës, në ambientet e Drejtorisë së Policisë Lumjan Matmuja, Kamber Bruka, Ergest Gjuta dhe Erjon Dule nuk kanë pranuar akuzat e prokurorisë.

Ata janë pyetur veçmas nga njëri-tjetri, por kane mohuar implikimin në ngjarjet e orëve të para të mëngjesit të datës 10 shkurt.

Mësohet se të 4 të dyshuarit kanë dhënë versionet e tyre për vendndodhjen në kohën e ngjarjeve të ndodhura në kryeqytet.

Por burime nga prokuroria per krime te renda thane se me ndihmën e kompanive telefonike jane siguruar të gjitha lëvizjet e 4 të arrestuarve dhe dy të tjerëve të shpallur në kërkim mëngjesin e datës 10 shkurt.

Sipas ketyre te dhenave, hetuesit dyshojnë se ka qene Lumjan Matmuja që ka vendosur lëndën plasëse ne farmacine e Bashkim Tahirit.

Të dyshuarit Kamber Bruka dhe Erjon Dule mendohet se kanë vazhguar rrugët nga ka kaluar me biciklet Matmuja për vendosjen e eksplozivëve.

I dyshuari Ernest Gjuta dyshohet se ka siguruar kartat e telefonit dhe aparatët celular nëpërmjet, Emirjon Gjutes.

Ndërsa personi i shpallur në kërkim Baftjar Bruka, sipas prokurorisë dyshohet se ka siguruar lëndën plasëse dhe montimin e tyre, të cilat janë aktivizuar nga Vladimir Gjuta njëherazi organizator i këtyre akteve terroriste.