Dërguar me Email
Në adresën e redaksisë
Kemi dëgjuar në të gjitha lakimet e zgjedhimet e shqipes, por edhe të huaj, fjalën “krim”. E kush nuk e ka përdorur? Është mbushur plot me “kriminelë” pjesa mazhoritare e parlamentit. Shqipërinë e ka mbuluar droga e grupet kriminale e plot të tjera si këto dalin nga gryka e një minorance të rënë nga “qielli” nëpërmjet derës së purgatorit. E pikërisht në mesin e kësaj opozite “qiellore” vegjeton ai që është vetë mallkimi i këtij vendi. Një ditë dikush duke folur për monstrën përmendi fjalinë simbol të së keqes: “Këtë qenie nuk e kalb as dheu!” Kishte të drejtë. Përmenden pa pushim emra të lloj-lloj kryetarësh bashkie për vepra penale apo morale. Ama pjesë të peshkimit të vogël. Të mëdhenjtë me dreqin me gjithë brirë në krye, askush nuk ka burrërinë, si dikur Ilir Meta, t’i tregojë derën e burgut. Dikush mund të trembet se po ndodhi përsëri kjo, do të bëhet “hataja”. Gabim i rëndë gjykimi. Me atë nëpër këmbë nuk ia vlen të flasësh për Rroshin e Kavajës. Nuk është ai që sulmon doktori, por vetë Kavaja që i vuri drunë. Me sa dëgjova, ulërimat histerike të z.Berisha tregojnë një shkatërrim nervor të tij. Lajm i mirë për ata që urojnë ta shohin në ndonjë çmendinë një ditë. Pse mos të na e zgjidhë hallin një spital psikiatrik? Profeti