Shqipëria ka dalë nga lista e zezë për pastrimin e parave dhe financimin e terrorizmit.
Në konferencën që po zhvillohet nga data 22 deri në datën 27 Shkurt në Paris,shtete si Gjermania, Franca, Italia, Mbretëria e Bashkuar, Luksemburgu vlerësuan përpjekjet e bëra nga Shqipëria në këtë drejtim.
Për shkak të reformave të ndërmarra gjatë viteve të fundit, organizatorët e kësaj konference i kanë komunikuar përfaqësuesve të qeverisë shqiptare lajmi e mirë. Në këtë mënyrë, vendi ynë nuk do të ketë më imazhin negativ, që ka pasur deri më tani dhe në sytë i investitorëve të huaj do të jemi më të besueshëm, pasi referuar eksperiencave të vendeve të tjera, dalja nga kjo listë e “zezë” do të thotë më tepër investime të huaja. Pritet që në ditët në vijim të publikohet edhe vendimi zyrtar i këtyre organizatave, raporton Scan.
Vendimi për përjashtimin e Shqipërisë nga kjo listë është marrë në Paris nga ICRG, që është Guida Ndërkombëtare e Riskut të Shteteve dhe FATF, Task Forca për Aksionin Financiar, të dyja organizata botërore që bëjnë analizën e shteteve në këtë drejtim.
Po sepse te gjitha parate e pista u pastruan,dhe te gjithe keta jane ,te nderuar.
Të dalësh nga lista e zezë nuk do të thotë se fenomeni i pastrimit të parave është zhdukur. Është ky një tjetër hap pozitiv për Integrimin në BE.