Sikur të mos mjaftojnë flakët që kanë mbërthyer Shqipërinë, vendi ka pësuar edhe dy tronditje.
Kështu, gjatë natës janë regjistruar dy lëkundje tërmeti.
Instituti i Gjeoshkencave raporton se tërmeti i parë është regjistruar në Qukës, 5 kilometër nga Përrenjasi me magnitudë 2.4 dhe në thellësi 3 kilometër.
Tërmeti është regjistruar në orën 01:42.
Rreth një orë më vonë, saktësisht në orën 02:36 një tjetër tërmet është regjistruar në Elbasan.
Sipas specialistëve, ai është regjistruar me një thellësi 16 km dhe ka pasur magnitudë 2.5.
