Në “albumin” e bestytnive dhe supersticionit shqiptar, njihet dhe macja e zezë, e cila, nëse të kalon përpara të sjell ters. Kështu besojnë një pjesë njerëzish, e nëse mendojnë se nuk po u ecën diçka, rrinë e kujtojnë se ku dhe kur mund të ketë ndodhur që duke ecur në rrugë, ditën apo natën, para tyre t`u ketë kaluar ndonjë mace e zezë e ata nuk e kanë vënë re. Pak a shumë, në këtë nivel naiviteti – pse jo, dhe budallallëku – kanë rënë serbët, derisa dhe drurin që hëngrën nga danezët në Beograd, t`ia faturojnë Shqipërisë, një lloj tersi që i ka zënë nga ballafaqimi me ta. Janë bërë për “t`u kënduar” (jo rrëfyer)… tek prifti!