Vargje të nënshkruara
Kapo Labi, Vlorë
O Ditë, do ta kalojmë
Këtë të keqe që na zuri
Njerëzit tanë po emigrojnë
Nuk e dimë kush i përzuri.
Varfëria s’lindi sot
Ajo është një plagë e vjetër
Dëbuam të ligun me votë
E presim ndryshim patjetër
Duroni bashkë atdhetarë
Se s’do jetë dimër përherë
Duruam tetë vjet barbarë
Huliganë edhe gangsterë.
Se lamë pas një shtet kusar
Vetëm vodhën edhe vranë
Një dorë misër s’lanë për farë
Zinë e mbollën në çdo anë.
Janë pasojat e të ligut
Kriminelit faqezi
Me një tufë zagar sokaku
Na zhyti në varfëri.
Jemi vend i rrallë në botë
Pa gjykata e drejtësi
Jemi zhytur këmbë e kokë
Hajdutllëk e poshtërsi.
Shqiptarë, mos humbni shpresën
Se ajo thon’ vdes e fundit
E majta na ka dhënë besën
Pak me zor do kalojë lumin.
Demokrat e socialistë,
s’ecet me inat e smirë.
Kapo Labi optimist
ju uron jetë më të mirë!