Policia italiane ka arrestuar një shqiptar, si autorë të një vjedhjeje që është parandaluar nga policia.
28-vjeçari, identiteti i të cilit nuk bëhet i ditur nga mediat, u përpoq të vidhte makinën e plehrave.
Por policia u vu menjëherë në ndjekje. Ngjarja ndodhi në Ragusa dhe patrullat u njoftuan nga punonjësit e mirëmbajtjes, të cilët po punonin ato momente.
Sipas asaj që shkruajnë mediat italiane, shqiptari sapo kishte kuptuar që autoritetet italiane po e ndiqnin e braktisi automjetin dhe u mundua të arratisej në këmbë.
Por arratia zgjati vetëm pak minuta pasi ai u kap nga karabinierët. 28-vjeçari u dërgua në qelitë e burgut të Ragusa-s për akuzat e vjedhjes dhe ndërprerjes së shërbimit publik.
l.h/ dita