Aliu 16 vjeçar u largua nga një jetë me strese dhe shqetësime në vendlindjen e tij, Shqipërinë.
Kaloi në Europë përmes Calais-it, u nis drejt Anglisë dhe një jete të re. Gjatë 2 viteve të fundit, familja e tij e re kujdestare, i ka dhënë të gjithë dashurinë dhe përkrahje që ai kurrë nuk e kishte pasur në fëmijëri, duke bërë të mundur që ai të zhvillohet si person dhe si kuzhinier.
Tani Ali është 18-vjeç dhe jeton në Britaninë e Madhe, teksa karriera e tij si një nga kuzhinierët më të mirë adoleshentë të Britanisë, po bëhet dita-ditës realitet.
Por tani iu tha se do duhet të lërë Britaninë dhe të kthehet në Shqipëri.
Vetë shqiptari dhe John Stokes, kujdestari i tij, po luftojnë që Ali të lejohet të qëndrojë dhe të përmbushë ëndrrën e tij për të qenë një nga kuzhinierët kryesorë të Britanisë.
John Stokes, i cili merr fëmijët si kujdestar i përkohshëm në shtëpinë e tij në Kingswood, ka treguar historinë e Aliut.
Ali, tani 18 vjeç, sapo ka përfunduar vitin e tij të dytë të kursit të teknologjisë ushqimore në Kolegjin e Shkollës së qytetit Bristol ‘Akademinë e Mjeshtërive’ në Hengrovë dhe ka shkëlqyer në rezultate, megjithë fillimin e vonshëm brenda disa javëve të mbërritjes në Bristol dhe mosnjohjes së ndonjë fjale teknike në anglisht për përbërësit, pajisjet ose metodat e gatimit. Ai është tashmë një kuzhinier i shkëlqyer, duke përfunduar në 3 më të mirët në një konkurs kombëtar, duke u kërkuar nga kolegji për të prodhuar ushqim për ngjarje të veçanta.
Ai i bëri përshtypje Simon Hulstës, kuzhinierit të yllit Michelin që drejton një restorant në Devon dhe ai e ka futur Aliun në kuzhinë dhe është bashkuar me luftën për të bindur autoritetet që ta lejojnë të qëndrojë në Britani të Madhe djaloshin shqiptar. John Stokes tha se Aliu kishte një fëmijëri të vështirë në Shqipërinë rurale, sepse keqtrajtohej nga familja e tij, shpesh kyçej në një kasolle dhe rrallë i lejohej të shkonte në shkollë.
“Ai u largua nga Shqipëria dy vjet më parë dhe qëllimi i tij ishte thjesht të dilte jashtë. U deshën disa javë për të arritur këtu.” – tha John Stokes.
Aliu fillimisht ka aplikuar për azil si një i mitur i pashoqëruar, por nuk i është aprovuar sepse politika e BE-së për njerëzit që largohen nga Shqipëria është se të gjithë duhet të kthehen.
Atij iu dha një vizë e përkohshme e cila mbaroi kur ishte 17 vjeç e gjysmë, por një kërkesë e re për për të qëndruar në Britani, e bërë në nëntor 2016, u kundërshtua disa javë më parë.
Kujdestari dhe miqtë e tij tani po planifikojnë të apelojnë kundër këtij refuzimi dhe John Stokes ka ngritur një faqe për mbledhjen e fondeve dhe një fushatë # Future4Ali.
“Opsioni i tij i vetëm është të apelojë dhe ai nuk ka të drejtë për ndihmë juridike. Do të kushtonte 5000 euro në ditë për një avokat dhe unë e kam bërë aq sa mundem, por për mua nuk ka të bëjë me paratë, ka të bëjë me lejimin e një personi që tashmë është një qytetar i shkëlqyer në këtë vend dhe dhënien e një mundësie për të pasur një jëtë më të mirë këtu. Unë nuk pres që të mblidhen shumë para, besoj vetëm aq sa për ta ndihmuar. Do të ishte mirë nëse mund t’i bindim autoritetet që ta lejojnë Aliun të qëndrojë” – shprehet kujdestari Stokes.
Quhet barazi para ligjit. Problemi nuk eshte se ka merita dhe te rrije por te hapet kufiri sepse njerezit kane te drejte te levizin ndryshe demokracia eshte demagogji. Mire ky e paska nje mbrojtes por te tjeret qe jane pa te tille? Po ne shqipot jemi mesuar pa drejtesi sepse dhe ne shqiperi keto 30 vjet kane perfituar palaco e maskarenj plot ne kurriz te njeriut korrekt ndaj ligjit. Ke miliardiere me para te pista dhe ish-pronare me gisht ne goje sepse besojne tek ligji!!! Ky djali duhet te rrije ne Angli jo se ka fame por se eshte njeri dhe cdokush qe rri me pune te ndershme atje duhet te lere te beje jeten e tij. Le te urojme te rregullohet por jane me mijra te tjere qe nuk kane shanse fare nese demokracia perendimore eshte e dyerve te mbyllura.
Anglia eshte shtet i felliqur deri diku se per dike qe rri me vite atje, pa asnje shkelje duhet t’i jap nje shans qendrimi te perkohshem me te drejte rinovimi. E kuptoj qe emigracoini eshte problem ne te gjithe europen, por duhet bere dallime cili punon e cili shet droge.
Nese dikush kalon vite ne nje vend perendimor eshte shume e veshtire te kthehet dhe te integrohet ne vendlindje i shkeputur nga realiteti. Duhet te kete nje status te vecante per ata emigrante qe kalojne vite ne nje vend duke punuar dhe u shkolluar. T’u jepet leje e perkoheshme qendrimi, pa akses ne ndihma sociale apo sherbim shendetesor falas per nje periudhe disa vjecare. Besoj se ky qendrim do jete i mirepritur nga shumica e atyre qe kane vite qe punojne por nuk kane status legal
Eshte turp per politiken dhe qeverine e Mbreterise se Bashkuar te Britanise se Madhe te ktheje nje person te tille si shqiptari, nje djalosh si ALIU.
Kane pranuar turli vagabondash nga Shqiperia dhe e gjithe bota dhe tani kane filluar ti kthejne.
Prandaj ne kete drejtim duhet me qene korrekt, te sakte dhe te qarte se kush duhet te kthehet dhe kush duhet te rrije.
Kuptohet qe vagabondat, maskarenjte, mafiozet nuk i duan as vendet e vehta sepse pikesynimi i tyre eshte pislliku dhe qelbesinlliku dhe keto persona pastaj quhen “te SHKATHET dhe te ZGJUAR”.